Aqtóbede 22 jastaǵy jigit ákesiniń kóligin ruqsatsyz minip ketip, nebári úsh kúnniń ishinde jol qozǵalysy erejesin 33 ret buzǵan, dep habarlaidy ult.kz.
Oblystyq politsiia departamentiniń málimetinshe, jas jigit ákesiniń úide joqtyǵyn paidalanyp, onyń Toyota markaly avtokóligin alyp ketken. Keiin kólikke sheteldik memlekettik tirkeý nómirin taǵyp, qala kóshelerinde emin-erkin júrgen.
Alaida onyń bul áreketi nátije bermegen. Úsh kún ishinde júrgizýshi jol qozǵalysy erejesin 33 ret buzyp, jalpy somasy 1 million 300 myń teńgeden asatyn aiyppul arqalaǵan. Quqyq buzýshylyqtardyń basym bóligi jyldamdyqty belgilengen mólsherden asyrýǵa qatysty bolǵan.
Atalǵan derek boiynsha júrgizýshige qatysty ákimshilik hattamalar toltyrylyp, avtokólik aiyp turaǵyna qoiyldy.
Politsiia kólikke ózge memlekettik tirkeý nómirin taǵý arqyly beinebaqylaý kameralarynan jasyryný múmkin emes ekenin eskertip, mundai áreketterdiń zań aldynda jaýapkershilikke ákeletinin málimdedi.
