Almatyda politsiia ǵimaratyna jarylǵysh zat qoiylǵany týraly jalǵan habar bergen 56 jastaǵy er adam ustaldy, dep habarlaidy ult.kz.
Politsiiaǵa aýdandyq basqarmalardyń biriniń ǵimaratynda jarylǵysh zat bar ekeni týraly habarlama túsken. Oqiǵa ornyna shuǵyl qyzmetter jetip, ǵimarat pen oǵan irgeles aýmaqty tolyq tekserdi.
Alaida tekserý nátijesinde jarylǵysh zat, qurylǵy, oq-dári nemese kúdik týdyratyn basqa da zattar tabylǵan joq.
Jedel-izdestirý sharalary barysynda politsiia jalǵan habarlama avtoryn anyqtady. 56 jastaǵy er adam áreketin qasaqana jasaǵanyn moiyndady.
Kúdikti ustalyp, ýaqytsha ustaý izoliatoryna qamaldy. Osy fakti boiynsha qylmystyq is qozǵaldy.
Politsiia jarylǵysh zat týraly kez kelgen habarlama shynaiy qaýip retinde qabyldanyp, arnaiy qyzmetterdiń shuǵyl áreket etýine sebep bolatynyn eskertti. Mundai jalǵan habarlamalar zań boiynsha jaýapkershilikke ákep soǵady.
Buǵan deiin Petropavl turǵyny TikTok-ta jalǵan aqparat taratqany úshin aiyppul arqalaǵanyn habarlaǵan bolatynbyz.
