الماتىدا پوليتسييا عيماراتىنا جارىلعىش زات قويىلعانى تۋرالى جالعان حابار بەرگەن 56 جاستاعى ەر ادام ۇستالدى, دەپ حابارلايدى ult.kz.
پوليتسيياعا اۋداندىق باسقارمالاردىڭ بٸرٸنٸڭ عيماراتىندا جارىلعىش زات بار ەكەنٸ تۋرالى حابارلاما تٷسكەن. وقيعا ورنىنا شۇعىل قىزمەتتەر جەتٸپ, عيمارات پەن وعان ٸرگەلەس اۋماقتى تولىق تەكسەردٸ.
الايدا تەكسەرۋ نەتيجەسٸندە جارىلعىش زات, قۇرىلعى, وق-دەرٸ نەمەسە كٷدٸك تۋدىراتىن باسقا دا زاتتار تابىلعان جوق.
جەدەل-ٸزدەستٸرۋ شارالارى بارىسىندا پوليتسييا جالعان حابارلاما اۆتورىن انىقتادى. 56 جاستاعى ەر ادام ەرەكەتٸن قاساقانا جاساعانىن مويىندادى.
كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. وسى فاكتٸ بويىنشا قىلمىستىق ٸس قوزعالدى.
پوليتسييا جارىلعىش زات تۋرالى كەز كەلگەن حابارلاما شىنايى قاۋٸپ رەتٸندە قابىلدانىپ, ارنايى قىزمەتتەردٸڭ شۇعىل ەرەكەت ەتۋٸنە سەبەپ بولاتىنىن ەسكەرتتٸ. مۇنداي جالعان حابارلامالار زاڭ بويىنشا جاۋاپكەرشٸلٸككە ەكەپ سوعادى.
بۇعان دەيٸن پەتروپاۆل تۇرعىنى TikTok-تا جالعان اقپارات تاراتقانى ٷشٸن ايىپپۇل ارقالاعانىن حابارلاعان بولاتىنبىز.
