Qazaqstanda «KazTAG» pen «Fridom Finans» arasyndaǵy daýǵa qatysty sot qaraýy bastaldy, dep habarlaidy ult.kz.
Is materialdaryna sáikes «KazTAG» agenttiginiń bas redaktory Ámir Qasenov «Fridom Finans» AQ-ǵa qarsy aýqymdy aqparattyq naýqan uiymdastyrdy dep aiyptalýda. Al agenttiktiń bas direktory Aset Mataevqa kommertsiialyq uiymdaǵy basqarý fýnktsiialaryn tiisinshe oryndamaǵany úshin jáne buzaqylyq boiynsha aiyp taǵylyp otyr.
«Fridom Finans» kompaniiasynyń málimdeýinshe, 2025 jyly «KazTAG» agenttigi kompaniiaǵa qarsy aqparattyq shabýyl uiymdastyryp, alaiaqtyq, qarjy piramidasyn qurý jáne klientterdiń qarajatyn zańsyz shyǵarý týraly aiyptaýlar qamtylǵan teris sipattaǵy materialdar jariialaǵan.
Al tergeýdiń málimetine sáikes, «KazTAG» agenttiginiń bas direktory Áset Mataev basqarýshylyq mindetterin tiisinshe oryndamai, redaktsiia qyzmetine qajetti baqylaýdy qamtamasyz etpegen. Sonyń saldarynan tergeý dereginshe, «Fridom Finans» kompaniiasy úshin aýyr zardaptarǵa ákep soqqan zań buzýshylyqtarǵa jol berilgen.
Áset Mataev, sondai-aq, buzaqylyq úshin de jaýapqa tartylyp otyr. Eske salsaq, 2026 jylǵy 17 naýryzdan 18 naýryzǵa qaraǵan túni Almaty qalasyndaǵy «Dostyk Plaza» saýda oiyn-saýyq ortalyǵynyń mańynda Mataev tanysymen birge alkogoldik ishimdik ishken kúide 20 jastaǵy eki jigitpen janjaldasyp, keiin ol tóbeleske ulasqan.
Tergeý málimetinshe, Áset Mataevtyń áreketterine kúsh qoldanýmen ushtasqan, adamdar toby jasaǵan buzaqylyq degen quqyqtyq baǵa berilip otyr.
Buǵan deiin «Fridom Finans» kompaniiasy «KazTAG» basshylyǵy óz kinásin moiyndaǵan jaǵdaida tatýlasýǵa daiyn ekenin málimdegen bolatyn.
