Shymkentte esirtki satatyn internet-resýrstardy jarnamalaǵan jergilikti turǵyn ustaldy. Bul týraly politsiia málimdedi, dep habarlaidy ult.kz.
Tergeý barysynda kúdiktiniń qala aýmaǵynda esirtki satýǵa arnalǵan tyiym salynǵan saittardyń jarnamasy bar japsyrmalardy ornalastyrǵany anyqtalǵan.
Japsyrmalarda joǵary jalaqy tólenetin jumys usynylyp, esirtki taratatyn internet-resýrstardyń mekenjailary kórsetilgen. Politseiler jarnamalyq materialdardy tárkiledi.
Qazir atalǵan derek boiynsha tergeý amaldary júrgizilip jatyr.
Politsiianyń málimetinshe, esirtki quraldaryn, psihotroptyq zattar men sol tektesterdi nasihattaý nemese jarnamalaý múlikti tárkileýmen qatar, úsh jylǵa deiin bas bostandyǵynan aiyrýǵa ákep soǵady.
Al bilim berý uiymdarynda nemese adamdar kóp jinalatyn oryndarda esirtkini jarnamalaý, sondai-aq mundai áreketti birneshe ret jasaý úsh jyldan alty jylǵa deiin bas bostandyǵynan aiyrýǵa jazalanady.
Aita keteiik, buǵan deiin esirtkige táýeldilik máseleleri boiynsha keńes beretin jańa servis iske qosylǵan edi.
