Qazaqstan Elshiliginde Horvat jurtshylyǵynyń kórnekti qoǵam, ǵylym jáne mádeniet qairatkerleriniń, parlament depýtattarynyń, horvat-qazaqstan dostyq qoǵamynyń, Zagrebtiń Bosniia mádeni qoǵamynyń jáne basqa da uiymdardyń qatysýymen «Qazaqstandaǵy parlament sailaýynyń qorytyndylary» atty dóńgelek ústel ótti.
Qazaqstan Elshisi Tólejan Barlybaev kezdesýge qatysýshylardy parlamenttik sailaýdyń qorytyndylary týraly habardar etip, Qazaqstanda daýys berý ulttyq jáne halyqaralyq quqyq normalaryna tolyq sáikes joǵary uiymdastyrýshylyq deńgeide ótkenin atap ótti. Diplomat Qazaqstan Respýblikasynyń táýelsizdiginiń 30 jyldyǵy aiasynda qazaqstandyq parlamentarizmdi nyǵaitýdyń mańyzdylyǵyn atap ótti.
Horvatiianyń burynǵy Prezidenti Stepan Mesich pandemiiaǵa jáne uiymdastyrýshylyq qiyndyqtarǵa qaramastan, Qazaqstan basshylyǵy epidemiologiialyq qaýipsizdik sharalaryn qamtamasyz etkenin jáne azamattardyń erkin erik bildirýi men sailaýdy halyqaralyq baqylaý úshin barlyq qajetti jaǵdailardy jasaǵanyn, bul álemniń basqa elderi úshin úlgi bolǵanyn atap ótti. Onyń baǵalaýynsha, Nursultan Nazarbaevtyń tóraǵalyq etken «Nur Otan» partiiasynyń jeńisi Qazaqstan Tuńǵysh Prezidentiniń qazaqstandyq memlekettiliktiń qalyptasýy men damýyna qosqan zor úlesin moiyndaý bolyp tabylady».
Horvatiianyń Sabor depýtaty Barbara Antolich Výpora qazaqstandyqtardy parlamenttik sailaýdy sátti ótkizilýimen jáne kele jatqan Qazaqstan táýelsizdiginiń 30 jyldyǵymen quttyqtady. Ol ulttyq erik bildirýdiń nátijeleri Qazaqstandaǵy parlamentarizm men kóppartiialyq demokratiialyq dástúrlerdi odan ári nyǵaitýǵa qyzmet etetinine senim bildirdi.
Dostyq qoǵamynyń tóraǵasy Andriia Karafilipipovich pen Bosniia mádeni qoǵamynyń jetekshisi Ferid Dizdarevich «Nur Otan» partiiasy men onyń jetekshisi Nursultan Nazarbaevtyń Qazaqstannyń ishki saiasi turaqtylyǵy men ornyqty damýyn qamtamasyz etý, «Halyq únine qulaq asatyn memleket» tujyrymdamasy jáne barlyq qazaqstandyqtardyń ál-aýqatyn jaqsartýǵa baǵyttalǵan áleýmettik-baǵdarly saiasat sheńberinde syndarly qoǵamdyq dialogty qoldaý jónindegi uzaq merzimdi qyzmetin joǵary baǵalady.
Dóńgelek ústelge qatysýshylar jaqynda Horvatiiadaǵy aitarlyqtai qiratýlar men adamdardyń qurban bolýyna ákep soqqan jer silkinisine bailanysty kóńil aitý, janashyrlyq pen qoldaý bildirgeni úshin Qazaqstan basshylyǵyna zor rizashylyqtaryn bildirdi.
Qazaqstan elshiliginiń qyzmetkerleri jer silkinisinen zardap shekken otbasylarǵa kórsetken qoldaý men qarjylai kómektiń mańyzdylyǵy atap ótildi. Sońynda kezdesýge qatysýshylar qazaq halqyna amandyq pen órkendeý tiledi.
