Kez kelgen tótenshe jaǵdaidy bastapqy kezeńinde-aq aldyn alǵan jón. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«Kez kelgen tótenshe jaǵdaidy bastapqy kezeńinde aldyn alǵan durys. Sońǵy birneshe jyl boiy Úkimettiń qoldaýynyń arqasynda tótenshe jaǵdai aimaǵynda jedel áreket etýge múmkindik beretin mototompanyń birneshe túrin, júzý quraldaryn satyp aldyq. Ózbekstanda Sardoba aýmaǵynda oryn alǵan tehnogendik apat kezinde Aqmola, Qaraǵandy, Qyzylorda oblystarynyń, Shymkent qalasynyń kúsh-quraldarynyń basym bóligin jaiylǵan sýdy sorǵytý jumystaryna jumyldyra aldyq», - dedi ministr.
Onyń atap ótýinshe, atalǵan tehnogendik apat saldarynan elimizdiń ońtústiginde bes eldi mekendi sý basty. Maqtaaral aýdanynyń tynys-tirshiligin qalpyna keltirý úshin respýblikalyq biýdjetten qomaqty qarajat bólindi.
«Buǵan qosa, bólimshelerde 1 myń adamǵa arnalǵan shatyrly lagerdi tez arada qurýǵa arnalǵan taýsylmaityn qor jasaqtaldy. Jyl saiyn tótenshe jaǵdai kezinde halyq jinalatyn yqtimal pýnktterdi tekserý júrgiziledi», - dedi Iýrii Ilin.
