كەز كەلگەن تٶتەنشە جاعدايدى باستاپقى كەزەڭٸندە-اق الدىن العان جٶن. بۇل تۋرالى قر تٶتەنشە جاعدايلار مينيسترٸ يۋريي يلين ايتتى, دەپ حابارلايدى قازاقپارات.
«كەز كەلگەن تٶتەنشە جاعدايدى باستاپقى كەزەڭٸندە الدىن العان دۇرىس. سوڭعى بٸرنەشە جىل بويى ٷكٸمەتتٸڭ قولداۋىنىڭ ارقاسىندا تٶتەنشە جاعداي ايماعىندا جەدەل ەرەكەت ەتۋگە مٷمكٸندٸك بەرەتٸن موتوتومپانىڭ بٸرنەشە تٷرٸن, جٷزۋ قۇرالدارىن ساتىپ الدىق. ٶزبەكستاندا ساردوبا اۋماعىندا ورىن العان تەحنوگەندٸك اپات كەزٸندە اقمولا, قاراعاندى, قىزىلوردا وبلىستارىنىڭ, شىمكەنت قالاسىنىڭ كٷش-قۇرالدارىنىڭ باسىم بٶلٸگٸن جايىلعان سۋدى سورعىتۋ جۇمىستارىنا جۇمىلدىرا الدىق», - دەدٸ مينيستر.
ونىڭ اتاپ ٶتۋٸنشە, اتالعان تەحنوگەندٸك اپات سالدارىنان ەلٸمٸزدٸڭ وڭتٷستٸگٸندە بەس ەلدٸ مەكەندٸ سۋ باستى. ماقتاارال اۋدانىنىڭ تىنىس-تٸرشٸلٸگٸن قالپىنا كەلتٸرۋ ٷشٸن رەسپۋبليكالىق بيۋدجەتتەن قوماقتى قاراجات بٶلٸندٸ.
«بۇعان قوسا, بٶلٸمشەلەردە 1 مىڭ ادامعا ارنالعان شاتىرلى لاگەردٸ تەز ارادا قۇرۋعا ارنالعان تاۋسىلمايتىن قور جاساقتالدى. جىل سايىن تٶتەنشە جاعداي كەزٸندە حالىق جينالاتىن ىقتيمال پۋنكتتەردٸ تەكسەرۋ جٷرگٸزٸلەدٸ», - دەدٸ يۋريي يلين.
