Qazaqstannyń Ýkrainadaǵy Elshisi Darhan Káletaev «Batkivshina» saiasi partiiasynyń kóshbasshysy Iýliia Timoshenkomen kezdesti. Bul týraly "Ult aqparat" Elshiliktiń baspasóz qyzmetine silteme jasap habarlaidy.
Áńgime barysynda qazaqstandyq-ýkrainalyq yntymaqtastyqtyń qazirgi jaǵdaiy men keleshektegi damýy talqylandy. Taraptar eki el arasynda saýda-ekonomikalyq jáne mádeni-gýmanitarlyq ózara is-qimyldy belsendirýdegi múddelilikteri týraly sóz qozǵady. Bul turǵyda ekonomikanyń ártúrli salalarynda tyǵyz kooperatsiialyq bailanystardy qalpyna keltirý, sondai-aq halyqaralyq kólik dálizderin damytý qajettiligi atap ótildi.
Iýliia Timoshenko Qazaqstannyń koronavirýspen kúrestegi jáne shaǵyn jáne orta biznestiń áleýmettik-ekonomikalyq jaǵdailaryna qoldaý kórsetýdegi sharalaryn joǵary baǵalady.
Onyń aitýynsha, bul eldiń ekonomikalyq damýynyń turaqty negizin qalaǵan, Elbasynyń kemeńgerlik saiasatynyń nátijesinde múmkin boldy.
