Qazaqstandyq, álemniń 51-raketkasy Iýliia Pýtintseva Ystanbul WTA 250 týrniriniń jartylai finalyna shyqty, dep habarlaidy QazAqparat.
Pýtintseva shirek finalda dúniejúzilik reitingte ózinen on saty joǵary turǵan aýstraliialyq Aila Tomlianovichpen kúsh synasty.
Birinshi partiiany bir breikti artyq jasaǵan aýstraliialyq tennisshi óz esebine jazdy – 7:5.
Esesine ekinshi setti Pýtintseva breikpen bastap, sol qarqynyn báseńdetken joq – 6:2.
Qazaqstandyq tennisshi úshinshi, sheshýshi partiiada da breikpen alǵa ketti – 2:0. Aqyry osy basymdylyǵynan aiyrylmai, matchty jeńispen túiindedi – 6:4.
Asa tartysty ótken báseke 2 saǵat 45 minýtqa sozyldy.
Pýtintseva júlde qory 251,7 myń AQSh dollaryna baǵalanǵan jarystyń finalyna shyǵý úshin álemniń 47-raketkasy, ispaniialyq Sara Sorribes-Tormo nemese reitingte 122-satydaǵy reseilik Anastasiia Potapovanyń bireýimen talasady.
