14 naýryzda Qazaqstan Respýblikasynyń aýmaǵyna Germaniia, Maldiv, Shri-Lanka, BAÁ, Mysyr, Túrkiia, Ýkraina, Resei, Tájikstan, Ózbekstan jáne Qyrǵyzstannan 32 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitarlyq-epidemiologiialyq baqylaý komitetiniń málimetinshe, bir táýlikte elimizge 4 646 jolaýshy ushyp keldi. Olardyń 3 853-inde koronavirýsqa PTR-testileýdiń teris nátijesi bar anyqtama bolǵan. Qalǵan 793-i anyqtamasyz kelgen, barlyǵy da – QR azamattary.
Atap aitqanda:
- Almaty qalasynyń áýejaiyna – 19 reis, 2 783 jolaýshy, anyqtamamen - 2 365, anyqtamasyz - 418;
- Nur-Sultan qalasynyń áýejaiyna – 9 reis, 1 295 jolaýshy, anyqtamamen - 920; anyqtamasyz - 375;
- Shymkent qalasynyń áýejaiyna – 2 reis, barlyq 274 jolaýshy anyqtamamen kelgen;
- Aqtaý qalasynyń áýejaiyna – 1 reis, barlyq 146 jolaýshy anyqtamamen kelgen;
- Atyraý qalasynyń áýejaiyna – 1 reis, barlyq 148 jolaýshy anyqtamamen kelgen.
«Anyqtamasy bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - delingen aqparatta.
Sondai-aq 13 naýryzda shetelden anyqtamasyz kelgen Qazaqstannyń 401 azamatynyń PTR-taldaý nátijesi daiyn bolǵan. Test qorytyndysyna sáikes, «Ystanbul-Almaty» reisimen kelgen 1 jolaýshydan koronavirýs infektsiiasy anyqtaldy.
