Túrkiianyń Ystanbul qalasyndaǵy ushaq apatynda eki qazaqstandyq zardap shekti, dep habarlaidy "Ult aqparat" QR SIM baspasóz qyzmetine silteme jasap.
«Qazaqstannyń Ystanbuldaǵy Bas konsýldyǵynyń málimetine sáikes, 2020 jylǵy 5 aqpanda jergilikti ýaqyt boiynsha shamamen 18.00-de ushaqtyń Ystanbul áýejaiyna qolaisyz qonýy barysynda ushý-qoný jolynan tys shyǵyp ketýi saldarynan Qazaqstan Respýblikasynyń eki azamaty jaraqat alǵan. Olar Fatih Sultan Mehmet aýrýhanasyna jetkizilgen», delingen habarlamada.
Bul jaǵdai Bas konsýldyqtyń baqylaýyna alynyp, qazaqstandyqtarǵa qajet kómek kórsetý boiynsha tiisti sharalar qabyldanyp jatyr.
Eske sala ketsek, keshe Sabihi Gókchen atyndaǵy áýejaida Izmir-Ystanbul baǵytyndaǵy lainer ushý-qoný jolaǵynan shyǵyp ketip, órtengen bolatyn. Ushaq apatynan barlyǵy 179 adam zardap shegip, 3 jolaýshy qaitys bolǵan.
