Foto: © AFP 2024 / OZAN KOSE
Ystanbul politsiiasy katolikter shirkeýine jasalǵan shabýyldy uiymdastyrdy degen kúdikpen 47 adamdy ustady. Atys saldarynan Túrkiia azamaty qaza tapty, dep habarlaidy Sputnik Qazaqstan.
Eldiń ishki ister ministri Áli Erlikaidyń aitýynsha, katolikter shirkeýine qarýly shabýyl jasaǵan eki kúdikti – sheteldik, onyń bireýi – reseilik.
Jeksenbide tańerteń betperde kigen qarýlanǵan eki adam Ystanbuldaǵy shirkeýge shabýyl jasady.
Túrkiialyq BAQ aqparatynsha, shabýyldy Qazaqstan men Reseide tyiym salynǵan "Islam memleketi" (IG, IGIL) terroristik toby óz moinyna alǵan. Eki kúdikti sol kúni keshke ustaldy.
"Shirkeýge shabýyl jasalǵan soń, politsiia birden iri operatsiia bastady. Jeksenbide 30 mekenjai boiynsha 47 adam ustaldy", - dedi IIM basshysy brifingte.
Teraktini tikelei oryndaǵandar 22.00-de (Astana ýaqytymen 01.00) tutqyndaldy.
"Olar sheteldikter: bireýi – Tájikstan azamaty, ekinshisi – reseilik. Boljam boiynsha ekeýi de "Islam memleketiniń" músheleri", - dep málimdedi ministr.
Onyń aitýynsha, ustalǵandardyń bárinen jaýap alynady.
