Ystambuldyń Fatih aýdanynda jarylys bolyp, jalyn úsh kólikti sharpydy, - dep habarlaidy Massaget.kz portaly Mynet basylymyna silteme jasap.
Túrik basylymynyń málimetinshe, Kodjamýstafapasha kóshesimen kele jatqan júrgizýshi kóliginiń janyp jatqanyn baiqap, jol jiegine toqtap, ainalasyndaǵylardan kómek suraǵan.
Biraz ýaqyttan keiin kólik órtenip, jalyn sol mańda turǵan tórt kólikke taraǵan.
"Ystambuldyń Fatih aýdanynda belgisiz sebeptermen jana bastaǵan kóliktiń jalyny turaqqa qoiylǵan ózge kólikterge tarady. Jelide taraǵan videodan órt kezindegi jarylys dybystary estildi", - dep jazady basylym.
Órtsóndirýshiler oqiǵa ornyna der kezinde kelip, jalyndy aýyzdyqtaǵan.
Sondai-aq, kólikterdegi adamdar evakýatsiialanǵan.
Qaza tapqandar men zardap shekkender týraly naqty málimet joq. Kóliktiń órtený sebebi anyqtalyp jatyr.
