© AFP 2022 / YASIN AKGUL
Ystanbul kóshesindegi jarylystan qaza tapqandar men zardap shekkender arasynda Qazaqstan azamattary joq. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan agenttigi.
Onyń aitýynsha, Túrkiiadaǵy bas konsýl jergilikti bilikpen jáne gýbernatormen tikelei bailanysqan.
"Oqiǵanyń mán-jaiyn anyqtaý belgili bir ýaqyt aldy. Sońǵy málimet boiynsha jarylystan zardap shekkender arasynda Qazaqstan azamattary joq. Bas konsýldyqtyń diplomattary túnimen barlyq instantsiiaǵa habarlasyp, aýrýhanalardy aralap shyqty. Qýanyshqa orai tizimde qazaqstandyqtar joq", - dedi Smadiiarov SIM-de ótken apta saiynǵy brifingte.
Eske salsaq, 13 qarasha keshke Ystanbuldyń Istiklial kóshesinde jarylys boldy. Saldarynan alty adam qaza taýyp, 81 adam jaralandy. Túrik politsiiasy kóshede bomba qaldyrýy múmkin adamdy ustady.
Alǵashqy málimetterge qaraǵanda, jarylystyń artynda Kúrdistan jumys partiiasy men kúrdterdiń Halyqtyq ózin-ózi qorǵaý jasaqtary tur. Túrkiia biligi áiel adam jasaǵan jarylysty terakt dep baǵalady.
