Túrkiianyń ishki ister ministri Súleiman Soilý Ystambuldaǵy jarylystyń artynda Kúrdistan jumysshy partiiasy (KJP) turǵanyn málimdedi, - dep habarlaidy Tengrinews.kz agenttigi Deutsche Welle basylymyna silteme jasap.
Bul týraly Ishki ister ministrliginiń basshysy TRT Haber telearnasy efirinde málimdedi.
"Bizdiń qorytyndyǵa sáikes, buǵan KJP terroristik uiymy jaýapty. Buǵan deiin 21 adam ustalǵan. Bomba qoiǵan adam qamaýǵa alyndy. Jaqyn arada, bizdi osy azapqa salǵandarǵa muny birneshe ese qylyp qaitaramyz", - dedi Soilý.
BAQ qyzmetin baqylaityn Túrkiianyń Joǵary radio jáne teledidar keńesi oqiǵadan keiin kóp uzamai jarylys pen onyń saldaryn kórsetýge ýaqytsha shekteýler qoidy.
Jarylys Ystambuldyń ortalyǵynda, Beioglý aýdanyndaǵy Taksim alańy mańyndaǵy adam kóp júretin Istiklial kóshesinde boldy. Bul - týrister arasynda tanymal baǵattardyń biri. Túrik aqparat quraldarynyń málimetinshe, jarylys alty adamnyń ómirin qiyp, 81 adam jaraqat alǵan.
