Ońtústik Qazaqstan oblysyndaǵy «Yrys» mikro qarjy uiymy «Nátijeli jumyspen qamtý jáne jappai kásipkerlikti damytýdyń 2017-2021 jyldarǵa arnalǵan baǵdarlamasy» aiasynda 5,5 paiyzben 108 jobaǵa qoldaý kórsetti. Buǵan deiin de qarjy uiymy kásibin dóńgeletemin degen sharýaǵa tómengi 7-9 paiyzdyq mólsherlememen nesie berip kelgen bolsa, biyldan bastap, baǵdarlama sheńberinde eń az mólsherlememen qarjy berýde. Bul óńirdegi kásibin jańadan ashýǵa niet bildirgen adamǵa úlken kómek.
Aita keteiik, «Yrys» mikro qarjy uiymy osy ýaqytqa deiin jalpy sommasy 28,5 mlrd. teńgeni quraityn 15 956 jobaǵa qoldaý kórsetken. Yrystan qoldaý tapqan jobalar aiasynda 13 697 jańa jumys orny ashyldy. Al, 2017 jyldyń 9 ailyq kórsetkishi boiynsha uiym jalpy sommasy 5 465, 300 myń teńgeni quraityn 2110 jobany qarjylandyrdy.
Atap aitqanda «Jumyspen qamtý 2020 jol kartasy» baǵdarlamasy boiynsha 2 264,1 mln. teńgege 851 joba, «Kóktemgi egin egý-jinaý» baǵdarlamasy boiynsha 1 500,0 mln. teńgege 880 joba, «Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan baǵdarlamasy» aiasynda 400 mln. teńgege 108 joba, al, mekemeniń óz qarajaty esebinen 1 298,2 mln. teńgege 271 joba qarjylandyrylǵan.
Sonymen qatar osy jyly «Yrys» MQU tarapynan 16 kooperativ 287,3 mln. teńgege qarjylandyrylyp otyr. Jalpy qarjy ortalyǵy biylǵy jyly 6 000 mln. teńgege 2 300 jobany qarjylandyrýdy josparlap otyr.
Al «Nátijeli jumyspen qamtýdy jáne jappai kásipkerlikti damytýdyń 2017 – 2021 jyldarǵa arnalǵan baǵdarlamasy» aiasynda 900 mln. teńge qarajat tartý boiynsha jumystar júrgizilip, jyl sońyna deiin tolyq igerý josparlanýda.
OQO ákiminiń baspasóz qyzmeti
