Foto: Mas Agency
JI arqyly jumys isteitin qural videodaǵy dipfeikterdi avtomatty túrde anyqtap, joiý týraly suraý jiberýge qaýqarly, dep jazady inbusiness.kz saity Hi-tech saityna silteme jasap.
Iaǵni, videohosting Creative Artists Agency agenttigimen birlesip, "uqsastyqty basqarý" tehnologiiasyn ázirlep otyr. Atalǵan qural arqyly tanymal adamdardyń bet-beinesine uqsas jalǵan beinelerdiń bar-joǵy anyqtalady. Eger dipfeik tabylsa, YouTube moderatsiiasyna videony joiý týraly suraý jiberiledi.
Dipfeik – jasandy intellekt pen tereń mashinalyq oqytý tehnologiialaryn paidalanyp, adamnyń beinesi men daýsyn ózgertý arqyly jasalǵan jalǵan kontent. Bul tehnologiia shynaiy videolar men aýdiolarǵa uqsas, biraq tolyǵymen jalǵan mazmun jasaýymen tanymal.
Sondai-aq, videohosting mazmunyna sáikes kelmeitin sipattamalary bar videolardy da buǵattaýǵa kirispek. Buǵan klikbeitke shýly ataýlar, videolardyń sipattamalary jáne muqabalar jatady.
Buǵan deiin kibershabýyldardy taldaý ortalyǵy Talǵardaǵy oqiǵaǵa qatysty jelide bottardyń belsendiligi artqanyn habarlaǵan. Iaǵni, búkil Qazaqstan aýmaǵynda talqyǵa túsken oqiǵany belgisiz bireý óziniń jeke múddesi úshin paidalanbaq bolǵany áshkerelengen.
