Qoja Ahmet Iasaýi atyndaǵy Halyqaralyq qazaq-túrik ýniversiteti men Shoqan Ýálihanov atyndaǵy tarih jáne etnologiia institýty arasynda yntymaqtastyq týraly kelisim-shartqa qol qoiyldy, dep habarlaidy "Ult aqparat".
Ondaǵy maqsat - HQTÝ-diń tarih kafedrasynda oqityn stýdent jastardyń mamandyǵyna degen qyzyǵýshylyqtaryn arttyra otyryp, ǵylymi jumystarmen ainalysý, irgeli zertteýler júrgizý.
Aita ketetin jait búgingi tańda atalmysh ýniversitette tarih mamandyǵy boiynsha 91 stýdent bilim alýda. Qazaqstan Respýblikasy Bilim jáne ǵylym ministrligi Ǵylym komiteti Sh.Ýálihanov atyndaǵy tarih jáne etnologiia institýty negizinen qazaq halqynyń tarihy, antropologiia jáne etnologiia máseleleri boiynsha irgeli ǵylymi zertteý jumystaryn keshendi túrde tereń júrgizýmen ainalysady. Sonymen qatar tarihnama, tarihi demografiia, mádeniet jáne ǵylym, etnoáleýmettaný máseleleri boiynsha zertteýler júrgizedi.
Osyǵan sáikes ýniversitet prezidenti Bolatbek Abdrasilov aldaǵy ýaqytta eki tarap birlese jumys jasaityndyqtaryn bildirip, ǵylym salasyna kóp kóńil bóletindigin jetkizdi. Tiisinshe Sh.Ýálihanov atyndaǵy tarih jáne etnologiia institýtynyń direktory Ziiabek Qabyldinov ýniversitet kitaphanasyna máni men mańyzy zor qundy kitaptardy syiǵa berip, aldaǵy ýaqytta eki bilim ordasy arasynda tyǵyz qarym-qatynas ornatýǵa nietti ekendikterin bildirdi. Qos taraptan qol qoiylǵan kelisim-shart negizinde ǵylymi zertteýler men jinaqtardyń sany artpaq. Sondai-aq HQTÝ-diń stýdent jastary memorandým negizinde atalǵan institýtta óndiristik tájiribeden ótip, bilimderin jetildirmek.
