Qazaqstan turǵyn úi kompaniiasy direktorlar keńesiniń quramy ózgerdi, - dep habarlaidy Tengrinews.kz tilshisi kompaniianyń baspasóz qyzmetine silteme jasap.
Bul sheshimdi 25 qazanda QTK jalǵyz aktsioneri - "Báiterek" Ulttyq basqarýshy holdinginiń basqarmasy qabyldady.
"Direktorlar keńesiniń múshesi Oljas Salyqov pen táýelsiz direktor Nurlan Toqobaevtyń ókilettigi merziminen buryn toqtatyldy. Kompaniianyń direktorlar keńesiniń jańa músheleri jáne táýelsiz direktorlary retinde Iap Chin Beng (Yap Chin Beng) pen Erlan Áýkenov sailandy", - delingen habarlamada.
Oljas Salyqov buǵan deiin "Qazaqstan turǵyn úi kompaniiasy" AQ Basqarma tóraǵasynyń orynbasary ári basqarma múshesi bolyp sailandy.
QTK-de Iap Chin Beng Ýorik Biznes mektebiniń (Warwick) biznes ákimshilendirý magistri dárejesine ie, Avstraliia men Singapýrdyń birneshe ýniversitetterin bitirgeni habarlandy. 40 jyl boiy Singapýrdyń Housing and Development Board turǵyn úi qurylysy jáne damytý boiynsha túrli laýazymdarda jumys istedi.
Sondai-aq, kompaniiada biryńǵai operator qurýdyń negizine 2018 jyldan beri "Báiterek" UBH zerttegen turǵyn úi qurylysyn damytýdyń singapýrlyq modeli alynǵany aityldy.
Erlan Áýkenov qalalardy damytý salasynda magistri (The London School of Economics), memlekettik saiasat jáne jobalardy basqarý magistri (The University of Bradford), iskerlik ákimshilendirý magistri (AlmaU, Almaty) dárejesine ie. Bilim jáne ǵylym ministrliginde, Prezident ákimshiliginde, Eńbek jáne áleýmettik qorǵaý ministrliginde jumys istegen. 2019 jyldan bastap eńbek jáne halyqty áleýmettik qorǵaý vitse-ministri, sondai-aq, Almaty qalasy ákiminiń orynbasary jáne Soltústik Qazaqstan oblysy ákiminiń orynbasary qyzmetterin atqarǵan. Ol - "Q88 qazaqstandyq ýrbanister qaýymdastyǵy" QB Keńesiniń tóraǵasy jáne "Qazaqstannyń táýelsiz direktorlar qaýymdastyǵy" QB tóraǵasynyń orynbasary.
"Qazaqstan turǵyn úi kompaniiasy" - halyqtyń turǵyn úige qoljetimdiligin qamtamasyz etý salasynda memlekettik saiasattyń biryńǵai operatory.
