Iandeks.Taksi kompaniiasynyń qyzmetine qatysty bir aiyptaý isi toqtatylyp, ekinshisi sotta qaralyp jatyr. Bul týraly QR Básekelestikti qorǵaý jáne damytý agenttigi tóraǵasynyń orynbasary Bolat Sámbetov málim etti, dep habarlaidy QazAqparat agenttigi.
«Búginde Iandeks.Taksi qyzmetine qatysty tergeý júrip jatyr. Eki tergeý isi bastalǵan edi, onyń bireýi toqtatyldy. Sonymen qatar, tergeý aiasynda sot protsesi qatar júrip jatyr. Birinshi tergeý sharasy kompaniianyń qyzmetin asyra paidalanýyna bailanysty, iaǵni klientterge qyzmetti jón-josyqsyz usyný. Ekinshi tergeý amaly baǵany qoldan kóterý faktisi boiynsha júrip jatyr. Alǵashqy fakt boiynsha tergeý sharasy toqtatyldy. Al, baǵany kóterý boiynsha sot protsesi jalǵasyp jatyr», - dedi Bolat Sámbetov ortalyq kommýnikatsiialar qyzmeti alańynda ótken baspasóz máslihatynda.
Eske salsaq, biyl qyrkúiekte Básekelestikti qorǵaý jáne damytý agenttiginiń Almaty qalasy boiynsha departamenti Iandeks.Taksi-diń baǵany qymbattatýyna bailanysty tergeý júrip jatqany týraly habarlaǵan edi. Sondai-aq, departamentten Iandeks.Taksidiń baǵany ósirýine qatysty birneshe ótinish kelip túskeni aityldy.
