Iakýtiiadaǵy surapyl órt 8 eldi mekenge taiap qaldy, dep habarlaidy TASS agenttigi.
Óńirlik ekologiia ministrliginiń baspasóz qyzmetiniń sársenbi kúngi málimetinshe, 5 km-den az qashyqtyqta arnaiy baqylaýǵa alynǵan bes dala órti bar. «Bul Oimiakon aýdanyndaǵy Hara-Týmýl aýyly, al Gornyi aýdanyndaǵy Ert, Dikimdia, Magaras jáne Kiýereliah aýyldary. Sonymen qatar 10 km-den aspaityn qashyqtyqta úsh tabiǵi órt oshaǵy bar: Gornyi aýdanynda - Keptin jáne Bias-Kiýel aýyldary, Sýntar aýdanynda - Kempendiai aýyly», - delingen habarlamada.
Agenttiktiń dereginshe, 14 aýdanda 83 orman órti sóndirilip jatyr, onyń 10-y aýyzdyqtaldy. Saha (Iakýtiia) Respýblikasy aýmaǵyndaǵy orman órtterin sóndirý úshin bazada 14 ushaq ornalasqan.
«Búginde Sýntar aýdanyndaǵy órtti sóndirý úshin úsh Be-200 ushaǵy men eki Il-76 ushaǵyn paidalaný josparlanyp otyr. Resei Qorǵanys ministrliginiń Mi-8 tikushaǵy Hagallas aýdanyndaǵy «Lenskie stolby» ulttyq saiabaǵy aýmaǵynda jumys istep jatyr. Sondai-aq, aviatsiia Verhneviliýiskii men Lensk aýdandarynda qoldanylady. «Gornyi, Viliýi jáne Niýrba aýdandarynda jasandy jaýyn-shashynǵa arnalǵan An-26 zondtaý ushaǵy jumys isteidi», - dep tolyqtyrdy ministrlik.
Resei Tótenshe jaǵdailar ministrliginiń aimaqtyq shtabynyń habarlaýynsha, Iakýtiianyń 13 aimaǵynda órt qaýpi joǵary bolyp otyr.
