ياكۋتيياداعى سۇراپىل ٶرت 8 ەلدٸ مەكەنگە تاياپ قالدى, دەپ حابارلايدى تاسس اگەنتتٸگٸ.
ٶڭٸرلٸك ەكولوگييا مينيسترلٸگٸنٸڭ باسپاسٶز قىزمەتٸنٸڭ سەرسەنبٸ كٷنگٸ مەلٸمەتٸنشە, 5 كم-دەن از قاشىقتىقتا ارنايى باقىلاۋعا الىنعان بەس دالا ٶرتٸ بار. «بۇل ويمياكون اۋدانىنداعى حارا-تۋمۋل اۋىلى, ال گورنىي اۋدانىنداعى ەرت, ديكيمديا, ماگاراس جەنە كيۋەرەلياح اۋىلدارى. سونىمەن قاتار 10 كم-دەن اسپايتىن قاشىقتىقتا ٷش تابيعي ٶرت وشاعى بار: گورنىي اۋدانىندا - كەپتين جەنە بياس-كيۋەل اۋىلدارى, سۋنتار اۋدانىندا - كەمپەندياي اۋىلى», - دەلٸنگەن حابارلامادا.
اگەنتتٸكتٸڭ دەرەگٸنشە, 14 اۋداندا 83 ورمان ٶرتٸ سٶندٸرٸلٸپ جاتىر, ونىڭ 10-ى اۋىزدىقتالدى. ساحا (ياكۋتييا) رەسپۋبليكاسى اۋماعىنداعى ورمان ٶرتتەرٸن سٶندٸرۋ ٷشٸن بازادا 14 ۇشاق ورنالاسقان.
«بٷگٸندە سۋنتار اۋدانىنداعى ٶرتتٸ سٶندٸرۋ ٷشٸن ٷش بە-200 ۇشاعى مەن ەكٸ يل-76 ۇشاعىن پايدالانۋ جوسپارلانىپ وتىر. رەسەي قورعانىس مينيسترلٸگٸنٸڭ مي-8 تٸكۇشاعى حاگاللاس اۋدانىنداعى «لەنسكيە ستولبى» ۇلتتىق ساياباعى اۋماعىندا جۇمىس ٸستەپ جاتىر. سونداي-اق, اۆياتسييا ۆەرحنەۆيليۋيسكيي مەن لەنسك اۋداندارىندا قولدانىلادى. «گورنىي, ۆيليۋي جەنە نيۋربا اۋداندارىندا جاساندى جاۋىن-شاشىنعا ارنالعان ان-26 زوندتاۋ ۇشاعى جۇمىس ٸستەيدٸ», - دەپ تولىقتىردى مينيسترلٸك.
رەسەي تٶتەنشە جاعدايلار مينيسترلٸگٸنٸڭ ايماقتىق شتابىنىڭ حابارلاۋىنشا, ياكۋتييانىڭ 13 ايماعىندا ٶرت قاۋپٸ جوعارى بولىپ وتىر.
