Olimpiada chempony Aleksei Iagýdin «Taet led» atty avtorlyq baǵdarlamasynyń arnaiy shyǵarylymyn qazaqstandyq mánerlep syrǵanaýshy Denis Tenge arnady, dep habarlaidy Baq.kz tilshisi.
Match-TV arnasynan kórsetilgen «Taet led» baǵdarlamasynyń arnaiy shyǵarylymynda Iagýdin Denis Tenniń bapkerlerimen, dostarymen jáne áriptesterimen áńgimelesedi. Olardyń arasynda mánerlep syrǵanaýshylar Maksim Marinin, Tatiana Totmianina, Maksim Trankov, Tatiana Volosojar, Ilia Averbýh jáne Denistiń dostary akter Sanjar Mádi, rejisser jáne stsenarist Igor Tsai, Denistiń alǵashqy bapkeri Elena Vodorezova men odan keiingi jattyqtyrýshysy Tatiana Tarasova bar. Dostary men áriptesteri Denis týraly jaqsy estelikter aityp, onyń san qyrly tulǵa ekenin eske aldy.
Baǵdarlama Almatyda, Máskeýde jáne Denis Ten Olimpiadanyń qola medalin alǵan jer Sochide túsirildi.
Eske sala ketsek, 2018 jyldyń 19 shildesinde qazaqstandyq sportshyny Almatyda pyshaqtap ketti. Oqiǵa ornynda 3 litr qan joǵaltqan soń jedel járdem qyzmetimen aýrýhananyń jan saqtaý bólimine jetkizildi. Alaida dárigerler 25 jastaǵy Denis Tenniń ómirin qutaqara almady.
