QR Tuńǵysh Prezidenti Nursultan Nazarbaev Iadrosyz álem úshin jahandyq kóshbasshylar aliansyn qurýdy usyndy, dep habarlaidy QazAqparat.
«BUU sessiialarynyń birinde «Álem jáne HHI ǵasyr» manifesimde soǵys pen iadrolyq qarýdan túbegeili bas tartyp, Turaqty álem geografiiasyn qalyptastyrý qajettigin aitqan edim. Jappai qyryp-joiý qarýyn taratpaý halyqaralyq júiesi negizderiniń joǵalýynan jáne Iran men Koreia halyqtyq demokratiialyq respýblikasynyń iadrolyq baǵdarlamalarynyń shielenisýinen bul másele ózektilene tústi. Álemde iadrolyq qarýsyzdandyrý men taratpaýdy nasihattaityn bedeldi jahandyq platforma qurý qajettigi artyp keledi. Osyǵan bailanysty, Iadrosyz álem úshin jahandyq kóshbasshylar aliansyn qurý bastamasyn kóterý qajet dep eseiteimin», - dedi Elbasy Astana Club plenarlyq otyrysynyń ashylýynda.
Onyń aitýynsha, álemniń jetekshi ǵalymdary, bedeldi saiasatkerleri iadrolyq qarýdy taratpaý isinde kúsh-jigerin biriktire alar edi.
«Bizdiń klýb qatysýshylaryna osyndai halyqaralyq birlestik qurý keleshegin talqylaýdy usynamyn», - dedi Nursultan Nazarbaev.
