Egov.kz portalynda Semei poligonyndaǵy iadrolyq synaqtardan zardap shekken azamattarǵa arnalǵan jańa qyzmet paida boldy, dep habarlaidy Sputnik Qazaqstan.
"Ulttyq aqparattyq tehnologiialar" AQ qoǵammen bailanys basqarmasynyń aqparatynsha, Semei synaq poligony aýmaǵynda 1949-1965 jyldary aralyǵynda, sondai-aq 1966-1990 jyldary aralyǵynda turǵan azamattar eGov.kz portalynda jańa qyzmettiń kómegimen memleketten tólem ala alady.
Memlekettik qyzmettiń kómegimen azamattarǵa jeńildikter men ótemaqylarǵa quqyǵyn rastaityn kýálik alý múmkindigi beriledi. Jańa qyzmet eGov.kz portalynda tegin kórsetiledi jáne biyldan bastap qoljetimdi. Qyzmet iske qosylǵannan beri 311 azamat onlain rejimde kýálik pen ótemaqy alýǵa ótinish berdi.
Osyndai qyzmet elimizdegi HQKO-nyń kómegimen de kórsetiledi. Tek 2021 jyldyń ózinde 7 myńǵa jýyq adam qaǵaz túrinde ótinish bergen.
"Bul qyzmet buryn HQKO arqyly qaǵaz túrinde ǵana kórsetiletin. Azamattarǵa yńǵaily bolý úshin memlekettik organdarmen birlesip, qyzmetti onlain formatqa kóshirdik. Bul Semei óńiriniń turǵyndary úshin óte mańyzdy ári qajetti qyzmet dep oilaimyz. "UAT"AQ ujymy atqarǵan jumystyń arqasynda onlain memlekettik qyzmetterdiń tizimi kúnnen-kúnge artypkeledi", - dedi "UAT" AQ basqarma tóraǵasy Rostislav Koniashkin.
Qyzmetti paidalaný úshin egov.kz portalyna kirip, basty bette "Áleýmettik qamsyzdandyrý" bólimin ashyp, "Otbasylarǵa kómek" tarmaǵyn tańdap, qajet qyzmetti tańdaý qerek.
Ári qarai, paidalanýshy:
portalda avtorizatsiialanady;
onlain qyzmetke tapsyrys beredi;
barlyq qajetti joldardy toltyrady;
ETsQ nemese eki faktorly aýtentifikatsiia kómegimen ótinimge qol qoiady.
20 jumys kúni ishinde paidalanýshynyń "Jeke kabinetine" habarlama keledi.
Habarlamany alǵannan keiin ótinish berýshi turǵylyqty jeri boiynsha jumyspen qamtý jáne áleýmettik baǵdarlamalar bóliminen jeke kýálikti / jeke kýáliktiń kóshirmesin alýy qajet.
Birjolǵy memlekettik aqshalai ótemaqy óńirler, respýblikalyq mańyzy bar qalalar jáne astana boiynsha ótemaqy tóleý kestesine sáikes tólenedi.
