Astanada HQKO qyzmetkerleri sheteldikterge qujattardy zańsyz rásimdep, úsh jyldan astam ýaqyt boiy shema júrgizgen. Tergeý málimetinshe, zańsyz ainalym jarty milliard teńgeden asqan, dep habarlaidy ult.kz.
Astana qylmystyq ister jónindegi aýdanaralyq soty is boiynsha 10 adamǵa úkim shyǵardy. Olar zańsyz kóshi-qon uiymdastyryp, para alǵan jáne qyzmettik ókiletin paidalanǵan.
Sheteldikter Qazaqstanda ýaqytsha bolýǵa ruqsat pen JSN alý úshin deldaldarǵa aqsha tólegen. Deldaldar qarajattyń bir bóligin HQKO qyzmetkerlerine bergen.
Sot burynǵy politsiia qyzmetkeri Jaýqazyn Qorabaevany 12 million teńgeden astam aqsha alǵany úshin 7 jylǵa sottady. «Azamattarǵa arnalǵan úkimettiń» úsh qyzmetkeri de 7 jylǵa, taǵy biri 3 jylǵa bas bostandyǵynan aiyryldy.
Deldaldar arqyly 193, 196 jáne 117 million teńge ótken. Olar aiyppulmen jazalandy. Taǵy eki adamǵa bas bostandyǵynan aiyrý jáne shekteý jazasy taǵaiyndaldy.
Sot úkimi ázirge zańdy kúshine engen joq.
