Pavlodar oblysynda kámeletke tolmaǵandardyń isteri jónindegi komissiia tórt balanyń anasyn ata-ana quqyǵynan aiyrý týraly máseleni qarady, - dep habarlaidy Tengrinews.kz tilshisi Pavlodarnews.kz saityna silteme jasap.
Politsiia Ýspen aýdanynda turatyn otbasyn jasyryn shaǵymnan keiin teksergen. Tártip saqshylaryna áiel alkogoldi tym kóp ishetini jáne ata-ana mindetterin oryndamaityny týraly shaǵym túsken.
Politseiler aldymen aýyl áielimen sóilesip, keiin áieldiń ózin ákimshilik jaýapkershilikke tartqan. Biraq keiinirek olar áielge taǵy da shaǵymdanǵan.
"Aýyl turǵynynyń úiine kelgende, onyń ishimdik ishkenin, úide beitanys er adamdar bolǵanyn kórdik. Áieldiń 17, 16, 10 jáne 7 jastaǵy tórt balasy bar. Úide tek úlken balasy, qalǵandary kórshisinde boldy", - deidi iývenaldy politsiianyń aǵa inspektory Damira Buqaeva.
Tártip saqshylarynyń aitýynsha, aýyl turǵyny jergilikti úkimettik emes uiymdardyń birin basqarady. Buryn onyń mundai ádeti bolmaǵan.
Politseiler ata-ana mindetterin oryndamaǵany úshin QR ÁQBtK-niń 127-baby 1-bóligi boiynsha ákimshilik hattama toltyrdy. Materialdar sotqa jiberildi. Kámeletke tolmaǵandardyń isteri jónindegi komissiiada ata-ana quqyqtaryn shekteý týraly másele sheshiledi.
