پاۆلودار وبلىسىندا كەمەلەتكە تولماعانداردىڭ ٸستەرٸ جٶنٸندەگٸ كوميسسييا تٶرت بالانىڭ اناسىن اتا-انا قۇقىعىنان ايىرۋ تۋرالى مەسەلەنٸ قارادى, - دەپ حابارلايدى Tengrinews.kz تٸلشٸسٸ Pavlodarnews.kz سايتىنا سٸلتەمە جاساپ.
پوليتسييا ۋسپەن اۋدانىندا تۇراتىن وتباسىن جاسىرىن شاعىمنان كەيٸن تەكسەرگەن. تەرتٸپ ساقشىلارىنا ەيەل الكوگولدٸ تىم كٶپ ٸشەتٸنٸ جەنە اتا-انا مٸندەتتەرٸن ورىندامايتىنى تۋرالى شاعىم تٷسكەن.
پوليتسەيلەر الدىمەن اۋىل ەيەلٸمەن سٶيلەسٸپ, كەيٸن ەيەلدٸڭ ٶزٸن ەكٸمشٸلٸك جاۋاپكەرشٸلٸككە تارتقان. بٸراق كەيٸنٸرەك ولار ەيەلگە تاعى دا شاعىمدانعان.
"اۋىل تۇرعىنىنىڭ ٷيٸنە كەلگەندە, ونىڭ ٸشٸمدٸك ٸشكەنٸن, ٷيدە بەيتانىس ەر ادامدار بولعانىن كٶردٸك. ەيەلدٸڭ 17, 16, 10 جەنە 7 جاستاعى تٶرت بالاسى بار. ٷيدە تەك ٷلكەن بالاسى, قالعاندارى كٶرشٸسٸندە بولدى", - دەيدٸ يۋۆەنالدى پوليتسييانىڭ اعا ينسپەكتورى داميرا بۇقاەۆا.
تەرتٸپ ساقشىلارىنىڭ ايتۋىنشا, اۋىل تۇرعىنى جەرگٸلٸكتٸ ٷكٸمەتتٸك ەمەس ۇيىمداردىڭ بٸرٸن باسقارادى. بۇرىن ونىڭ مۇنداي ەدەتٸ بولماعان.
پوليتسەيلەر اتا-انا مٸندەتتەرٸن ورىنداماعانى ٷشٸن قر ەقبتك-نٸڭ 127-بابى 1-بٶلٸگٸ بويىنشا ەكٸمشٸلٸك حاتتاما تولتىردى. ماتەريالدار سوتقا جٸبەرٸلدٸ. كەمەلەتكە تولماعانداردىڭ ٸستەرٸ جٶنٸندەگٸ كوميسسييادا اتا-انا قۇقىقتارىن شەكتەۋ تۋرالى مەسەلە شەشٸلەدٸ.
