Qarjylyq monitoring agenttigi Interpoldyń qoldaýymen halyqaralyq izdeýde bolǵan Ulan Muhtaruly Baibolovty Koreia Respýblikasynan Qazaqstanǵa ekstraditsiialady, dep habarlaidy ult.kz.
Tergeý málimetinshe, Baibolov salyqtar men biýdjetke tólenetin basqa da mindetti tólemderdi júieli túrde tóleýden jaltarǵan uiymdasqan qylmystyq toptyń múshesi bolǵan.
QMA deregine sáikes, top kásiporyndardy satyp alyp, olardy jalǵan basshylardyń atyna qaita tirkegen. Keiin bul kompaniialardyń bank shottary arqyly qarjylyq operatsiialar júrgizilip, salyq eseptiligine jalǵan málimetter engizilgen. Qarajattyń bir bóligi keiin qolma-qol aqshaǵa ainaldyrylǵan.
Tergeýde atalǵan shemada paidalanylǵan kásiporyndardyń biri – «Sfera» JShS. 2014 jyly Ulan Baibolov osy seriktestiktiń direktorynyń orynbasary qyzmetine taǵaiyndalǵan.
Tergeý málimetinshe, top músheleri seriktestiktiń esep aiyrysý shottarynan 2,5 mlrd teńgeden astam qarajatty qolma-qol aqshaǵa ainaldyrǵan. Budan bólek, qosymsha eseptelgen salyq kólemi 1 mlrd teńgeden asqan.
Sot kúdiktige qatysty qamaýda ustaý túrindegi bultartpaý sharasyn sanktsiialady.
Qylmystyq is boiynsha tergeý jalǵasyp jatyr. QMA Qylmystyq-protsestik kodekstiń 201-babyna sáikes, ázirge ózge aqparatty jariia etpeitinin málimdedi.
