World Press Photo-2020 bedeldi halyqaralyq fotojýrnalister konkýrsynyń jeńimpazdarynyń esimi jariialandy, dep habarlaidy BBC.
Basty nominatsiiada – «Jyldyń úzdik sýreti» boiynsha «Tikelei daýys» atty sýret jeńdi. Sýretti AFP agenttiginiń fotografy Iasýesi Tiba (Yasuyoshi Chiba) túsirgen. Sýrette 2019 jyly jazda Sýdanda jas jigit narazylyq óleńin oqyp jatyr, al narazylyqqa shyqqandar ony telefondaryna túsirip tur.
Qazylar múshesi Tibanyń sýreti jastyq shaq pen ónerdi kórsetti dep málim etti.
Sýretshi: «bul sát osy elde júrgen kezde maǵan kezdesken jalǵyz beibit narazylyq boldy. Men olardyń jeńilmeitin yntymaqtastyǵyn sezindim», - deidi.
Qazylar alqasynyń tóraǵasy Lekgeto Makolanyń (Lekgetho Makola) aitýynsha, sýret shielenis kezinde túsirilse de, adamdardy shabyttandyratyn kúshke ie.
«Biz eshkimge oq atpai, tas laqtyrmai óleń oqyp turǵan jas jigitti kórdik», - dedi ol.
Sondai-aq, úzdik sýretter tizimine bes týyndy kirdi.
2019 jyly 10 naýryzda Efiopiia áýe jelileriniń (Ethiopian Airlines ) ET302 borty Addis-Abeb áýejaiynan ushqannan keiin apatqa ushyraidy. Saldarynan 157 adam qaza tabady. Sýrette Boeing-737 áýe apaty qurbanynyń týysy oqiǵa ornyna betine balshyq jaqqan. Sýretti Mýlýgeta Aiene (Mulugeta Ayene) túsirip alǵan.
Aljir. Úkimetke qarsy kóterilis kezinde stýdentterdiń politseilermen qaqtyǵysy. Sýretti Farýk Batiche (Farouk Batiche) túsirgen.
Jandaný. Sýret: Tomek Kachor (Tomek Kaczor).
Bul sýrette 15 jastaǵy Eva esimdi armian qyzy beinelengen. Ol sol sátte katatonikalyq jaǵdaidan shyqqan. Sýret ótken jyly maýsymda Polshanyń Podkova Lesn qalasynda bosqyndardy qabyldaý ortalyǵynda túsirilgen.
Boijetken jaralanǵan jaýyngerdiń halin bilýge keldi. Sýret: Aivor Prikett (Ivor Prickett)
Siriia demokratiialyq kúshiniń 18 jastaǵy jaýyngeri Ahmed Ibragim ótken jyldyń 20 qazanynda Hassaktaǵy aýrýhanada túsirip alynǵan. Ol túrik áskerimen qaqtyǵys kezinde qatty kúiip qalǵan. Alǵashqyda boijetken bólmege kirýge qoryqqan, sebebi onyń jaraqatynan qatty shoshyǵan. Biraq, medbike onyń kirip, Ahmedtiń qolynan ustap, sóilesýine kóndirgen.
Artyq eshteńe joq. Sýret: Nikita Terioshin
Nikita Terioshin ótken jyly aqpanda Abý-Dabide Halyqaralyq qorǵanys kórmesi aiaqtalǵannan keiin (Idex) tankke qarsy granatometterdi jinap júrgen kásipkerdi sýretke túsirgen.
