World Press Photo-2020 بەدەلدٸ حالىقارالىق فوتوجۋرناليستەر كونكۋرسىنىڭ جەڭٸمپازدارىنىڭ ەسٸمٸ جارييالاندى, دەپ حابارلايدى BBC.
باستى نوميناتسييادا – «جىلدىڭ ٷزدٸك سۋرەتٸ» بويىنشا «تٸكەلەي داۋىس» اتتى سۋرەت جەڭدٸ. سۋرەتتٸ AFP اگەنتتٸگٸنٸڭ فوتوگرافى ياسۋەسي تيبا (Yasuyoshi Chiba) تٷسٸرگەن. سۋرەتتە 2019 جىلى جازدا سۋداندا جاس جٸگٸت نارازىلىق ٶلەڭٸن وقىپ جاتىر, ال نارازىلىققا شىققاندار ونى تەلەفوندارىنا تٷسٸرٸپ تۇر.
قازىلار مٷشەسٸ تيبانىڭ سۋرەتٸ جاستىق شاق پەن ٶنەردٸ كٶرسەتتٸ دەپ مەلٸم ەتتٸ.
سۋرەتشٸ: «بۇل سەت وسى ەلدە جٷرگەن كەزدە ماعان كەزدەسكەن جالعىز بەيبٸت نارازىلىق بولدى. مەن ولاردىڭ جەڭٸلمەيتٸن ىنتىماقتاستىعىن سەزٸندٸم», - دەيدٸ.
قازىلار القاسىنىڭ تٶراعاسى لەكگەتو ماكولانىڭ (Lekgetho Makola) ايتۋىنشا, سۋرەت شيەلەنٸس كەزٸندە تٷسٸرٸلسە دە, ادامداردى شابىتتاندىراتىن كٷشكە يە.
«بٸز ەشكٸمگە وق اتپاي, تاس لاقتىرماي ٶلەڭ وقىپ تۇرعان جاس جٸگٸتتٸ كٶردٸك», - دەدٸ ول.
سونداي-اق, ٷزدٸك سۋرەتتەر تٸزٸمٸنە بەس تۋىندى كٸردٸ.
2019 جىلى 10 ناۋرىزدا ەفيوپييا ەۋە جەلٸلەرٸنٸڭ (Ethiopian Airlines ) ET302 بورتى ادديس-ابەب ەۋەجايىنان ۇشقاننان كەيٸن اپاتقا ۇشىرايدى. سالدارىنان 157 ادام قازا تابادى. سۋرەتتە Boeing-737 ەۋە اپاتى قۇربانىنىڭ تۋىسى وقيعا ورنىنا بەتٸنە بالشىق جاققان. سۋرەتتٸ مۋلۋگەتا ايەنە (Mulugeta Ayene) تٷسٸرٸپ العان.
الجير. ٷكٸمەتكە قارسى كٶتەرٸلٸس كەزٸندە ستۋدەنتتەردٸڭ پوليتسەيلەرمەن قاقتىعىسى. سۋرەتتٸ فارۋك باتيچە (Farouk Batiche) تٷسٸرگەن.
جاندانۋ. سۋرەت: تومەك كاچور (Tomek Kaczor).
بۇل سۋرەتتە 15 جاستاعى ەۆا ەسٸمدٸ ارميان قىزى بەينەلەنگەن. ول سول سەتتە كاتاتونيكالىق جاعدايدان شىققان. سۋرەت ٶتكەن جىلى ماۋسىمدا پولشانىڭ پودكوۆا لەسن قالاسىندا بوسقىنداردى قابىلداۋ ورتالىعىندا تٷسٸرٸلگەن.
بويجەتكەن جارالانعان جاۋىنگەردٸڭ حالٸن بٸلۋگە كەلدٸ. سۋرەت: ايۆور پريكەتت (Ivor Prickett)
سيرييا دەموكراتييالىق كٷشٸنٸڭ 18 جاستاعى جاۋىنگەرٸ احمەد يبراگيم ٶتكەن جىلدىڭ 20 قازانىندا حاسساكتاعى اۋرۋحانادا تٷسٸرٸپ الىنعان. ول تٷرٸك ەسكەرٸمەن قاقتىعىس كەزٸندە قاتتى كٷيٸپ قالعان. العاشقىدا بويجەتكەن بٶلمەگە كٸرۋگە قورىققان, سەبەبٸ ونىڭ جاراقاتىنان قاتتى شوشىعان. بٸراق, مەدبيكە ونىڭ كٸرٸپ, احمەدتٸڭ قولىنان ۇستاپ, سٶيلەسۋٸنە كٶندٸرگەن.
ارتىق ەشتەڭە جوق. سۋرەت: نيكيتا تەريوشين
نيكيتا تەريوشين ٶتكەن جىلى اقپاندا ابۋ-دابيدە حالىقارالىق قورعانىس كٶرمەسٸ اياقتالعاننان كەيٸن (Idex) تانككە قارسى گراناتومەتتەردٸ جيناپ جٷرگەن كەسٸپكەردٸ سۋرەتكە تٷسٸرگەن.
