«Winter Run» jarysynyń uiymdastyrý komiteti Almaty turǵyndary men qonaqtaryna jarys ótetin kúni joldardyń ishinara jabylatyny týraly málimdedi, dep habarlaidy QazAqparat.
20 aqpan kúni «Winter Run» jarysy ótetin ýaqytta, iaǵni, tańǵy saǵat 05:00-den 13:00-ge deiin jarys qashyqtyǵy ótetin jerlerde joldardaǵy qozǵalys ishinara jabylady.
Jarys sóresi «Nurly-Taý» biznes ortalyǵynyń janynan bastalady. Ál-Farabi dańǵylynyń soltústik jaǵynda Nazarbaev dańǵylynan Jeltoqsan kóshesine deiingi jol bóliginde qozǵalys saǵ. 05:00-den 13:00-ge deiin jabyq bolady.
Ál-Farabi dańǵyly boiynda týnnelge kiretin aimaq Meńdiqulov kóshesinen bastap saǵ. 05:00-den 13:00-ge deiin jabyq bolady.
Ál-Farabi dańǵylynyń ońtústik jaǵymen avtokólikterdiń júrýine bolady.
Ál-Farabi dańǵylynyń soltústik jaǵynda Jeltoqsan kóshesinen Esentai Mall saýda ortalyǵyna deiin qozǵalys saǵat 07:40-tan 11:00-ge deiin jabyq. Ońtústik jaǵy avtokólikter úshin ashyq.
Ál-Farabi dańǵylynyń soltústik jaǵynda Esentai Mall saýda ortalyǵynan Gagarin dańǵylyna deiin qozǵalys saǵat 08:30-dan 10:45-ke deiin jabyq bolady. Ońtústik jaǵy avtokólik qozǵalysy úshin ashyq.
«Nurly-Taý» biznes-ortalyǵyna kólikpen jetý úshin usynylatyn marshrýt:
1. Jeltoqsan kóshesiniń boiymen ońtústikke qarai Ál-Farabi dańǵylyna deiin,
2. Nazarbaev dańǵylynyń boiymen ońtústikke qarai Ál-Farabi dańǵylyna deiin,
3. Ál-Farabi dańǵylynyń boiymen batysqa qarai Nazarbaev dańǵylyna deiin,
4. Nazarbaev dańǵylynyń boiymen soltústikke qarai Ál-Farabi dańǵylyna deiin,
5. Ál-Farabi dańǵylynyń ońtústik jaǵymen Jeltoqsan kóshesine deiin.
«Joldardyń júktelý deńgeiiniń joǵary bolýyna bailanysty qatysýshylarǵa jarystyń bastalý ornyna («Nurly-Taý» BO) Ál-Farabi dańǵyly men Seifýllin kóshesiniń qiylysyna deiin avtobýspen jetýge keńes beremiz. Sóre qalashyǵynyń janynda kólikti turaqqa qoiý qiyn bolatyndyǵyna nazarlaryńyzdy aýdaramyz»,- dedi uiymdastyrýshylar
Esterińizge salaiyq, 20 aqpanda (jeksenbi) «Winter Run» jarysy ótedi. Sport áýesqoilaryna 3 km júgirý qashyqtyǵy usynylǵan. Olar:
3 km balalar qashyqtyǵy,
10 km jáne 7 km skandinaviialyq júris.
Qatysýshylardyń jas mólsheri – 10 jastan joǵary. Jarys sóresi «Nurly-Taý» biznes ortalyǵynyń janynan beriledi.
