Androidtaǵy WhatsApp-ta bir eseptik jazbany bir ýaqytta birneshe qurylǵyda qoldanýǵa múmkindik beretin jańa fýnktsiia paida boldy. Ázirshe bul fýnktsiia qosymshanyń 2.21.14.1 nómirindegi beta-nusqasynda ǵana jumys istep tur.
Paidalanýshy qurylǵyny WhatsApp akkaýntymen jalǵaǵannan keiin WhatsApp Web jáne WhatsApp Desktop bir ýaqytta jumys isteýi úshin basty gadjetterdiń biri jelide qalýy mindetti emes. Iaǵni, basty uialy telefonnyń óship qalýy basqa qurylǵydaǵy WhatsApp jumysyna keri áser etpeidi.
Atap ótý kerek, bir akkaýntqa tirkelgen mundai bes gadjetti paidalanýǵa bolady, dep habarlady Sputnik saity RIA Novosti agenttigine silteme jasaap.
Mýltiqurylǵynyń fýnktsiiasyn qoldaný arqyly qosymshany paidalanýshynyń habarlama almasýy shifrlengen kúide qala beredi.
Bul optsiiany 2.21.14.1 nómiri arqyly tek beta-rejimde ǵana qoldanýǵa bolady. Keiinnen atalǵan fýnktsiia WhatsApp-ty paidalanýshylardyń barlyǵy úshin qoljetimdi bolmaq.
