Batys Qazaqstan oblysynyń ákimi Ǵali Esqaliev áleýmettik jelilerge WhatsApp nómirin jariialaǵan. Bul týraly ol Ortalyq kommýnikatsiialar qyzmetinde ótken brifingte aitty, dep habarlaidy "Ult aqparat".
«Aimaqty damytýǵa qatysty usynys-pikirlerdi estý maqsatynda áleýmettik jelilerde WhatsApp nómirimdi jariialaǵan edim. Jariialaǵan kezde suraqtardyń 99 paiyzy aimaq turǵyndarynyń jeke basyna qatysty bolatynyn sezgem», - deidi Ǵali Esqaliev.
Ol WhatsApp-qa kúnine 300 habarlama keletinin aitty.
«Bastapqyda kúnine 250-300 suraq keletin boldy. Qazirgi ýaqytta suraqtar sany azaidy. Jedel túrde bolmasa da, 2-3 kúnde bir ret WhatsApp-qa kelgen suraqtardy bir saralap, tiisti organdarǵa máseleni sheshý týraly tapsyrma berem», - deidi oblys ákimi.
Sondai-aq, ol qala, oblysty damytýǵa qatysty usynystar da keletinin jasyrmady.
«Bul sheshim qanshalyqty nátijeli ekenin bilmeimin, biraq aitylǵan usynystardyń keibiri júzege asýda. Qala, oblystyń damýy boiynsha kásipkerler de usynys aitady», - deidi ol.
