Dúniejúzilik boks uiymy (WBO) qazaqstandyq boksshy Qanat Islamnyń (27-0, 21 KO) namibiialyq Ýolter Kaýtondokvoimen (18-2, 17 KO) jekpe-jegine qatysty pikir bildirdi. Bul týraly Sports.kz agenttigi habarlady.
Islam tóreshilerdiń biraýyzdan qabyldaǵan sheshimine sáikes jeńimpaz atanyp, WBO International nusqasy boiynsha alǵashqy orta salmaqtaǵy chempion beldigin saqtap qaldy.
«Islam – WBO reitinginde 8-nómirde tur jáne odan joǵary kóterilýi múmkin. Bul Qanat úshin eń keremet boks keshi bolmasa da, ol jeńiske jetetindei jetkilikti áreket jasady», - dep jazdy WBO.
Eske sala keteiik, qazaqstandyq kásipqoi boksshy Qanat Islam namibiialyq Ýolter Kaýtondokvamen qolǵap túiistirip, jeńiske jetken bolatyn.
Aiqas Almaty qalasyndaǵy Balýan Sholaq atyndaǵy sport saraiynda ótti. Jekpe-jek on raýndqa sozyldy. Tóreshiler sheshimimen Qanat Islam jeńip, WBO belbeýine qol jetkizdi. Ol osylaisha 27-shi ret qarsylasynan basym túsip otyr.
Aita keteiik, qazaqstandyq Qanat Islam 2012 jyldyń 28 qyrkúieginen beri kásipqoi boksta synǵa túsip júr. Búgingi kúnge deiin 27 jekpe-jek ótkizip, onyń barlyǵynda qarsylasynan basym tústi. Onyń 21-in nokaýtpen aiaqtaǵan.
