Orta salmaqta WBO chempiony amerikalyq Demetriýs Andrade (31-0, 19 KO) titýldan bas tartyp, basqa divizionǵa ótýi múmkin. Bul týraly onyń promoýteri Eddi Hirn málimdedi, - dep habarlaidy Tengrinews.kz tilshisi Vesti.kz saityna silteme jasap.
Onyń aitýynsha, buǵan deiin WBO tujyrymy boiynsha Andrade titýlyna resmi úmitker retinde taǵaiyndalǵan qazaqstandyq Jánibek Álimhanulymen jekpe-jektiń sanktsiialanýy sebep boldy. Alaida chempionnyń komandasy bul sheshimge qarsy bolyp otyr.
"Bul - qyzyq. Biz chempiondar arasynda aiqas uiymdastyrý týraly WBC uiymyna suranys jiberdik. Al bir kúnnen keiin WBO men eshqashan atyn estimegen jigitti (Jánibek Álimhanuly) mindetti qarsylas etip otyr.
WBO chempionmen aiqasty uiymdastyra almaidy, biraq ne ruqsat bere alady, ne bas tarta alady. Olar bizdiń WBC uiymyna hat jazǵanymyzdy biledi. 48 saǵattan keiin bizge jekpe-jek belgilep tur. Bul jekpe-jek kimge kerek?
Andrade joǵary salmaqqa ótip, birden titýlǵa úmitker bolatyn erejeni paidalantyn shyǵar. Áiteýir birdeńe isteý kerek, óitkeni úmitkermen judyryqtasqymyz kelmeidi", - dep berdi Hirnniń sózin Boxingnews24.com.
