Búkilálemdik boks uiymy (WBO) koronavirýs pandemiiasyna bailanysty osy jyldyń maýsym aiyna deiin josparlanǵan barlyq týrnirdi ótkizýge tyiym saldy, dep habarlaidy "Ult aqparat".
«Aldaǵy aiqastarǵa bailanysty mańyzdy málimdeme jasaǵymyz keledi. COVID-19 koronavirýsy týyndatqan álemdegi qazirgi ahýalǵa bailanysty WBO barlyq sharany 2020 jyldyń maýsym aiyna deiin shegerdi. Jańalyqtardy sizderge habarlap turamyz», - dep jazylǵan boks uiymynyń resmi saityna silteme jasaǵan VKontaktedegi «Qazaqstan kásipqoi boksy» paraqshasynda.
Aita ketsek buǵan deiin ýkrainalyq boksshy Vasilii Lomachenko men amerikalyq Teofimo Lopestiń jekpe-jeginiń keiinge shegerilgeni jariialanǵan edi. Aiqas 30 mamyrda ótýi tiis bolǵan. Onda Lomachenkoǵa tiesili WBO nusqasy boiynsha jeńil salmaqtaǵy álem chempiony beldigi sarapqa salynbaq boldy.
