Qazaqstandyq boksshy Sultan Záýirbek (10-0, 7 KO) kezekti jeńisinen keiin Boxrec.com portalynyń reitingisinde óz pozitsiiasyn jaqsartty, dep habarlaidy "Ult aqparat" Sports.kz saityna silteme jasap.
WBC-tiń ekinshi jartylai salmaqtaǵy jastar arasyndaǵy chempiony S.Záýirbek ýkrainalyq Vladislav Melnikpen (12-3, 7 KO) bolǵan jekpe-jekte tóreshilerdiń biraýyzdy sheshimimen jeńimpaz bolyp tanyldy.
24 jastaǵy qazaqstandyq boksshy BoxRec reitingisinde óz divizionynda 114-shi orynnan 95-ke kóterildi.
Eske sala ketsek, Sultan Záýirbektiń 2020 jyly bir ǵana jekpe-jegi ótti. Byltyr ol alty ret ringke shyqqan bolatyn. WBC-diń jastar arasyndaǵy beldigin qytailyq boksshy Leshan Lidi (16-5-2, 9 KO) jeńgennen keiin ielendi.
