قازاقستاندىق بوكسشى سۇلتان زەۋٸربەك (10-0, 7 كو) كەزەكتٸ جەڭٸسٸنەن كەيٸن Boxrec.com پورتالىنىڭ رەيتينگٸسٸندە ٶز پوزيتسيياسىن جاقسارتتى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
WBC-تٸڭ ەكٸنشٸ جارتىلاي سالماقتاعى جاستار اراسىنداعى چەمپيونى س.زەۋٸربەك ۋكراينالىق ۆلاديسلاۆ مەلنيكپەن (12-3, 7 كو) بولعان جەكپە-جەكتە تٶرەشٸلەردٸڭ بٸراۋىزدى شەشٸمٸمەن جەڭٸمپاز بولىپ تانىلدى.
24 جاستاعى قازاقستاندىق بوكسشى BoxRec رەيتينگٸسٸندە ٶز ديۆيزيونىندا 114-شٸ ورىننان 95-كە كٶتەرٸلدٸ.
ەسكە سالا كەتسەك, سۇلتان زەۋٸربەكتٸڭ 2020 جىلى بٸر عانا جەكپە-جەگٸ ٶتتٸ. بىلتىر ول التى رەت رينگكە شىققان بولاتىن. WBC-دٸڭ جاستار اراسىنداعى بەلدٸگٸن قىتايلىق بوكسشى لەشان ليدٸ (16-5-2, 9 كو) جەڭگەننەن كەيٸن يەلەندٸ.
