Alashtyń rýhani astanasy Semei qalasynda ideologiialyq turǵyda eskirgen, maǵynasyz kóshelerdiń atyn tarihi dástúrli ataýmen aýystyrýǵa qatysty qoǵamdyq keńes ótti, - dep habarlaidy DalaNews.kz.
Stroitelnaia kóshesiniń ornyna ánshi, sazger Tursynǵazy Rahimovtyń, Parkovaiaǵa Keńes odaǵynyń batyry Saǵadat Nurmaǵambetovtyń, Krýpskaianyń ornyna Qazaqstannyń halyq jazýshy Ázilhan Nurshaiyqovtyń jáne Krasnoznamennaia kóshesin Ekinshi dúniejúzilik soǵysta qaza tapqan Baian Baiǵojina esimderimen aýystyrýdy onomastikalyq komissiia usyndy.
Biraq sharaǵa kelgen keibireýler aiaqasty búlinip, qazaqtyń batyr qyzy Baian Baiǵojinaǵa shaharymyzdaǵy Krasnoznamennaia kóshesin berýge úzildi kesildi qarsy shyqty.
Qoǵamdyq keńestiń múshesi Nikolai Isaev, ólketanýshy Pavel Jýkov:
«Baian Baiǵojina kim? Ol soǵysta bolǵan ba?» – degen túk bilmeitin balanyń keipinde bolyp, laiyqty adamǵa nemese sol kósheniń aty qala bersin degen tilekterin bildirdi.
Qazaqtyń qaharman qyzy Belorýssiia, Litva, Polsha, Germaniia jerlerin azat etý urystaryna qatysyp, jeńiske 12 kún qalǵanda Germaniianyń túbindegi Gindenbýrg qalasynda qaza tabady.
Al batyr qyzǵa kóshe berýge qarsy shyqqandar, onyń maidan dalasynda mert bolǵanyna senbei, qolda bar aqparatty joqqa shyǵaryp otyrǵany qai sasqany ekenin uǵa almadyq.
«Qýyrdaqtyń kókesin, túie soiǵanda kóresiń» degendei Milana Gýzeeva degen jýrnalist belgili jazýshy Ázilhan Nurshaiyqovty tanymaýy jinalǵan jurtshylyqtyń jaǵasyn ustatty.
«Kto on takoi, ia ego ne znaiý, naverno ego ne mnogie znaiýt» dep…
Onyń aitýynsha kóshe ataýyn tek tanymal adamdarǵa berý kerek. Bul qalai? Áigili jazýshy, qazaqtyń qaharman qyzyn tanymaityndar da bar ma? Sonda olar qai elde ómir súredi? Er esimin el esinde qaldyrý siz ben bizdiń boryshymyz emes pe edi?
Qýanysh Rahmetollauly, jýrnalist
