Ár óńirde volonterlik qyzmet aiasyn keńeitý mańyzdy. Bul týraly Oral qalalyq jastar resýrstyq ortalyǵy jastar bastamalaryn qoldaý bóliminiń basshysy Dýlat Júsipqaliev málim etti, dep habarlaidy QazAqparat.
Onyń aitýynsha, elordada ótip jatqan «BIRGEMIZ» respýblikalyq front-keńsesiniń keshendi is-sharalaryna Batys Qazaqstan oblysynan otyzdan astam volonter qatysýda.
Prezident Qasym-Jomart Toqaevtyń saltanatty otyrysta atap ótkenindei, volonterlik qyzmet endi eńbek ótiline kiretin bolady. Bul – qýanyshty jaǵdai. Budan eriktiler sany kóbeimese, azaimaityny anyq.
Sol sekildi úzdik dep tanylǵan volonterlar memlekettik nagradaǵa usynylmaqshy.
Stýdenttik áleýmettik kredit jobasy da júzege asyrylmaqshy. Bylaisha aitqanda, volonterlik qyzmeti úshin joǵary oqý oryndarynyń stýdentterine qarjylai aqy tólenedi. Iaǵni bes baǵyt boiynsha 20 saǵattyq jáne 50 saǵattyq jumys kólemin atqarsa, sáikesinshe 20 jáne 50 myń teńgeden alady. Biyl bul baǵyttar kóbeitilip, 70 saǵatqa, 70 myń teńgege deiin jetpek.
- Dýlat, volonterlar jylyna orai oblys kóleminde qandai jumystar atqarylýda?
-Iá, óńirde ataýly jyl aiasynda is-sharalar josparlanyp, qolǵa alyndy. Qazirgi tańda Oralda jeti baǵyt (bilim, asyl mura, úmit, qamqor, saýlyq, taza álem, sabaqtastyq) boiynsha jumystar istelýde.
Bilim baǵyty boiynsha Oral qalasy jastar resýrstyq ortalyǵynda repetitorlyq qyzmet júzege asyrylýda. Eriktiler túrik, aǵylshyn tilderin jáne gitarada oinaýdy tegin úiretýde.
Asyl mura boiynsha qala jastary úshin «Ulttyq aspapty úiren» atty tegin kýrs ashyldy. Sondai-aq qaladaǵy barlyq eskertkishter týraly málimetter jinaqtalyp, ol mobildik qosymshaǵa júktelmekshi.
Úmit baǵyty boiynsha qalada 48 maidanger bolsa, sol ardagerlerimizdi eriktilerimiz bólip aldy. Bizdiń ortalyq 10 maidangerdiń qal-jaǵdaiyn bilip, qajetti kómek kórsetedi.
Qamqor boiynsha múmkindigi shekteýli, kópbalaly, tabysy az otbasylarǵa járdem berilýde. Bul rette «Biz sizben maqtanamyz» jobasy aiasynda óńirge tanymal kásipkerler, qairatkerler men óner adamdary muqtaj jandarǵa azyq-túlik jáne basqalai kómek kórsetse, bizder sol jarqyn isterdi buqaralyq aqparat quraldary, áleýmettik jeliler arqyly jariia etip, alǵysymyzdy bildiremiz.
Saýlyq baǵyty boiynsha Batys Qazaqstan joǵary meditsinalyq kolledjinde oqityn volonterlar qaladaǵy aýrýhanalarǵa, meditsina mekemelerine bólinip, tiisti qyzmetterin atqarýda.
Taza álem boiynsha «Ekosaqshy» jobasy júzege asyrylýda.
Sabaqtastyq boiynsha «Biz – jetistik joly» jobasy aiasynda tabysqa jetken tanymal adamdarmen balalar úilerine baryp, kezdesýler ótkizip, olar aqyl-keńesterin aityp, ómirlik tájiribelerimen bólisedi.
Taǵy bir aitarym, óńir basshysy Ǵali Esqalievtiń tapsyrmasyna sáikes volunteer07.kz saity jasaqtaldy. Onda bolatyn sharalar aldyn ala habarlanady. Sodan keiin ótkenderi jóninde aqparat, esepter berilip, otyrady. Soǵan sáikes jyl sońynda úzdik eriktiler anyqtalatyn bolady.
Bir sózben aitqanda, elimizde jastardyń volonterlik qyzmetpen ainalysýyna barynsha jaǵdai jasalýda. Biz sol múmkindikti paidalana bilýimiz kerek.
.jpeg)