Halyqaralyq áielder merekesi qarsańynda elordalyq volonterler «Kóktem shýaǵy» aktsiiasyn ótkizdi. Bul týraly "Ult aqparat" ákimdik saityna silteme jasap habarlaidy.
5-8 naýryz kúni ótetin aktsiia aiasynda aiaýly arýlar men analarǵa myńnan asa qyzǵaldaq gúlin syilaityn bolady. Búgingi aktsiia qala halqy kóp shoǵyrlanǵan «Astanalyq» saýda ortalyǵy men «Tulpar» saýda úiiniń irgeles aýmaǵynda ótti.
Volonterler saýda ortalyǵynyń qyzmetkerlerin merekemen quttyqtap, izgi tilekterin bildirdi. Aktsiiaǵa 20 erikti qatysty, olardyń ishinde kásipkerlikpen ainalysatyn volonterler de bar. Volonterlar kóktemgi merekede áiel azamattarǵa jaqsy kóńil-kúi syilaý arqyly erekshe áserge bólengenderin atady.
«8 naýryz erekshe meiram. Kóktem merekesi. Bizdiń aktsiiamyz ardaqty analarǵa, apa-qaryndas tarǵa, barlyq áielder qaýymyna arnalady. Gúl syilap turǵan alǵashqy sekýndtarda qyzdar tańdanyp, senimdikpen qaraityn. Keiinnen qýanyp, osylai kóńil bólgenimizge alǵystaryn bildirip jatty», - dedi elordalyq volonter Adilet Baibosynov.
Aktsiia 8 naýryzǵa deiin sozylady jáne volonterlar gúldi kommýnaldyq sala qyzmetkerlerine, mádeniet, meditsina jáne áleýmettik sala qyzmetkerlerine, sondai-aq, túrli sala mamandaryna taratady.
