Asylbek Abdýlovtyń «Prezident Toqaevtyń jańa baǵdary» atty filminde Memleket basshysynyń jas shaǵyndaǵy sirek sýretteri men beineleri kórsetildi, dep habarlaidy "Ult aqparat".
Film avtory Qasym-Jomart Toqaevtyń Prezidenttik laýazymdaǵy eki jylyna sholý jasai kelip, Arys qalasyn jarylystardan keiin qalpyna keltirý jumystaryna eriktilerdiń belsendi atsalysqanyn eske alady. Osy kezde kadrda Prezidenttiń senbilikte eńbek etip júrgeni beinesi kórsetilgen.
«Osynaý áýesqoi kinokadrlarda 10-synyp oqýshysy Qasym-Jomart Toqaev Almatydaǵy №25 orta mektepte mamyr senbiliginde mektep aýlasyn qoqystan aryltyp, qyzdarǵa kómektesip jatyr», - deidi film avtory.
Sondai-aq, film barysynda Qasym-Jomart Toqaevtyń sportpen shuǵyldanyp jatqan sátteri bar sirek kezdesetin sýretter kórinis tapqan.
«Ákemniń taǵdyry bala kezinen bastap ońai bolǵan joq. Ol erte jetim qaldy. Áýeli balalar úiinde, sodan keiin internatta tárbielendi. Sodan keiin soǵys bastaldy. Maidan ol úshin batyldyq pen tabandylyqtyń taǵy bir synaǵy boldy. Ol soǵystan kóp sabaq alyp, qorqynysh pen qaiǵy-qasiretti jeńe aldy», - dep eske alady Qasym-Jomart Toqaev.
