Mańǵystaý oblysynda komanda oiynshysyna qol kótergen dene shynyqtyrý pániniń muǵalimi jumystan qýyldy, dep habarlaidy "Ult aqparat".
Jańaózen qalalyq bilim bóliminiń basshysy Ysqaq Qulataev málim etkendei, №3 mektep direktory dene shynyqtyrý pániniń muǵalimin jumystan bosatý týraly tiisti buiryqqa 20 jeltoqsanda qol qoiǵan.
Buǵan deiin Mańǵystaý oblysynda er adam jarys kezinde voleiboldan qyzdar komandasynyń oiynshysyn betinen urǵany týraly jazǵan bolatynbyz. Video áleýmettik jelide taraǵan edi.
Mańǵystaý oblysynyń Dene shynyqtyrý jáne sport basqarmasy bul oqiǵa Munaily aýdanynda jarys kezinde bolǵanyn jáne oǵan qatysy bar er adam jattyqtyrýshy emes, Jańaózen qalasy N3 orta mekteptiń dene shynyqtyrý páni muǵalimi ekenin málim etti.
«Ol jattyqtyrýshy emes. Jarysqa ony eshqandai uiym jibergen joq, ol jeke tulǵa retinde qatysty. Atalǵan oqiǵanyń mán-jaiyn arnaiy komissiia anyqtaityn bolady», - degen edi basqarmadan.
