ShYU-ǵa múshe memleketter keńesiniń 20-otyrysy 2020 jyldyń 22-23 shildesinde Reseide ótedi. Bul týraly búgin ShYU-ǵa múshe memleketter keńesiniń 19-otyrysynda Resei Prezidenti Vladimir Pýtin aitty, dep habarlaidy QazAqparat.
«Qyrǵyzstandy ShYU-ǵa tabysty tóraǵalymen quttyqtaimyn jáne reseilik tóraǵalyq uiym jumysynyń sabaqtastyǵyn qamtamasyz etetinin aitqym keledi. Qurmetti áriptester, sizderdi 2020 jyldyń 22-23 shildesinde Reseide ótetin ShYU memleket basshylary keńesiniń kelesi otyrysyna shaqyramyn», - dedi V.Pýtin.
Sonymen qatar ol uiymǵa Resei tóraǵalyǵy kezinde mádeni-gýmanitarlyq bailanystardy tereńdetýge basa mán beretinin aitty. Sondai-aq, BAQ, dene tárbiesi, sport, týrizm salalaryndaǵy yntymaqtastyq týraly kelisimderdi júzege asyrýǵa tyrysatynyn atap ótti.
«Kelesi jyly Ekinshi dúniejúzilik soǵysta fashizmdi jeńgenimizdiń 75 jyldyǵyn atap ótemiz. Biz Reseide HH ǵasyrdyń osynaý qaiǵyly oqiǵasynyń tarihi shyndyǵyn este saqtaýǵa úlken nazar aýdaramyz», - dedi RF Prezidenti.
