Foto: RIA Novosti
Resei prezidenti AQSh-tyń Ýkrainaǵa Resei aýmaǵyna alys qashyqtyqtaǵy zymyrandarmen shabýyl jasaýǵa ruqsat berýine pikir bildirdi, dep habarlaidy Ult.kz.
Negizgisine toqtalsaq:
- 19 qarashada ATACMS júiesiniń 6 zymyranymen jáne 21 qarashada Storm Shadow júielerimen Kýrsk jáne Briansk oblystaryndaǵy nysandarǵa shabýyl jasaldy. Áýe qorǵanys júieleri zymyran shabýyldaryn toitardy. Kýrsk oblysynda adam shyǵyny boldy.- Ýkrainadaǵy qaqtyǵys Batystyń alys qashyqtyqtaǵy zymyrandarymen Reseige jasalǵan shabýyldardan keiin ǵalamdyq sipatqa ie boldy.
- Pýtin jańa "Oreshnik" orta qashyqtyqtaǵy zymyranynyń sátti synaqtan ótkenin málimdedi. Ony qazirgi zamanǵy áýe qorǵanys júieleri ustai almaidy. Bul zymyrandar 10 mah jyldamdyqpen nysanaǵa jetedi, iaǵni sekýndyna 2,5-3 kilometr.
- Reseidiń jańa zymyran keshenderin synaqtan ótkizý kezinde joiýǵa arnalǵan nysandar elge tónetin qaýipterge bailanysty anyqtalady.
- Resei ózine qarsy qarýyn paidalanýǵa múmkindik bergen elderdiń áskeri nysandaryna qarý qoldanýǵa quqyly dep esepteidi.
- Resei "Oreshnik" siiaqty júielerdi qoldaný jaǵdaiynda yqtimal soqqy aimaqtaryn aldyn ala habarlap, Ýkrainadaǵy beibit turǵyndar men basqa elderdiń azamattaryna sol aýmaqtardy tastap ketýdi usynatyn bolady. Mundai qarýǵa qarsy turatyn quraldar qazirgi ýaqytta joq.
- Resei Dnepropetrovskide zymyran tehnikasyn qosa alǵanda, áskeri keshendi joiǵan.
.jpg)