Foto: RIA Novosti
Prezidentterdiń áńgimesi 2 saǵattan asa ýaqytqa sozyldy, dep habarlaidy Ult.kz.
Resei prezidentiniń aitýynsha, áńgime mazmundy, ashyq jáne óte paidaly bolǵan. Ol sondai-aq AQSh-tyń Resei men Ýkraina arasyndaǵy tikelei kelissózderdi qaita bastaýǵa qosqan úlesi úshin Trampqa alǵys bildirgenin aitty.
- - Stambuldaǵy bailanystardyń qaita jandanýy taraptardyń "jalpy alǵanda durys baǵytta kele jatqanyn" kórsetedi;
- - Resei bolashaq beibit kelisim týraly memorandým boiynsha Kievpen jumys isteýge daiyn. Bul memorandýmǵa atysty toqtatý máselesi men daǵdarysty retteý qaǵidattary kirýi múmkin;
- - Resei qarýly qaqtyǵysty toqtatýdy qoldaidy, biraq beibitshilikke aparatyn eń tiimdi joldardy tabý qajet;
- - Resei men Ýkraina eki tarapqa da tiimdi ymyra tabýy kerek;
- - Jalpy alǵanda Reseidiń ustanymy aiqyn. Eń bastysy — bul daǵdarystyń bastapqy sebepterin joiý;
- - Áńgime barysynda Tramp Ýkrainadaǵy soǵys qimyldaryn toqtatý máselesine qatysty óz ustanymyn bildirdi;
- - Áńgime egjei-tegjeiin keiinirek Dmitrii Peskov nemese Iýrii Ýshakov túsindiredi;
"Áńgime ashyq ári mazmundy ótti. Meniń oiymsha, óte paidaly boldy. Men Donald Trampqa tikelei kelissózderdi qaita bastaýǵa qoldaý kórsetkeni úshin alǵys bildirdim. Ol bitimge kelý máselesi boiynsha óz ustanymyn aitty. Men Reseidiń qaqtyǵysty beibit jolmen retteýdi qoldaitynyn atap óttim. Biz beibitshilikke aparatyn eń tiimdi joldardy aiqyndaýymyz qajet. Biz Resei Federatsiiasy bolashaq kelisim týraly memorandým boiynsha — qaǵidattar, merzimder jáne basqa da máseleler boiynsha, sonyń ishinde tiisti ýaǵdalastyqtarǵa qol jetkizilgen jaǵdaida atysty belgili bir merzimge toqtatý máselesin qosa alǵanda — ýkrain tarapymen jumys isteýge daiyn ekeni jóninde kelistik. Stambuldaǵy kezdesýge qatysýshylar arasyndaǵy bailanystar qaita jandandy. Bul biz jalpy alǵanda durys baǵytta kele jatyrmyz degen oi túiýge negiz beredi. Men áńgimeni joǵary baǵalaimyn. Eń bastysy — eki tarap ta beibitshilikke umtylys tanytyp, barlyq tarapty qanaǵattandyratyn ymyraǵa kelýi kerek. Jalpy alǵanda, Reseidiń ustanymy aiqyn: biz úshin eń bastysy — daǵdarystyń sebepterin joiý", - dep keltiredi BAQ Pýtinniń sózin.
