Kórneki foto: Qyrǵyzstan Prezidentiniń baspasóz qyzmeti
Qytaimen vizasyz rejim týraly kelisimge qol qoiý josparlanyp jatyr, ol eki tarap ratifikatsiialaý rásimderin aiaqtaǵannan keiin ǵana kúshine enedi, dep habarlady syrtqy ister ministrliginiń resmi ókili Aibek Smadiiarov. Bul týraly Sputnik Qazaqstan saity jazdy.
"Qytai azamattary ótken jyldyń jazynan bastap Qazaqstanǵa 14 kúnge deiingi merzimge vizasyz kire alady. Qytai týristeri kóp kelip jatqan joq. QHR azamattary jappai kelip jatyr degen qaýeset negizsiz", - dep túsindirdi Smadiiarov.
Onyń aitýynsha, vizasyz rejim ekijaqty bolady, iaǵni Qazaqstan azamattary da vizasyz Qytaiǵa týristik jáne iskerlik maqsatta bara alady.
"Buryn Qytaiǵa kirý úshin kezekte turyp, konsýldyq alymdy tóleý kerek edi, al vizasyz rejim engizilgennen keiin bul qajet emes", - dep atap ótti spiker.
Qazaqstan men QHR azamattary eki eldiń aýmaǵynda vizasyz shekteýli ýaqyt – 30 kúnge deiin bola alady, dep tolyqtyrdy SIM resmi ókili.
Onyń aitýynsha uzaq ýaqyt bolý úshin vizany aldyn-ala rásimdeý qajet.
"Taǵy da qaitalaimyn, vizasyz rejim tek týristik jáne iskerlik saparlarǵa ǵana arnalady, biraq jumys isteýge quqyq bermeidi. Budan basqa, qazaqstandyqtardyń QHR júrgizýshi vizasyn alýy boiynsha ózekti másele sheshiledi", – dep atap ótti Smadiiarov.
Kóshi-qon rejimin buzǵan QHR azamattary zańǵa sáikes jazalanady, dep qosty SIM resmi ókili.
"Siz tipti kóshi-qon qyzmeti organdarynan ótken jyldyń maýsym aiynan bastap eki aptaǵa vizasyz kirýge ruqsat berilgen QHR azamattary arasyndaǵy zań buzýshylyqtar boiynsha statistikany bile alasyz. Meniń aqparatym boiynsha, kóshi-qon rejimi buzylmaǵan", - dedi Smadiiarov.
Qorytyndylai kele, ol vizasyz rejim týristik aǵymdy arttyrýǵa baǵyttalǵanyn aitty. Vizasyz rejimdi engizý ekonomikaǵa jaǵymdy áser etedi dep boljanýda, óitkeni týristerden qonaqúilerde, meiramhanalarda, kólikterde jáne mádeni oiyn-saýyq oryndaryna aqshalai paida túsedi.
