QR Premer-Ministriniń orynbasary Eraly Toǵjanov Qazaqstan aýmaǵynda «Pfizer»-di qoldaný aiasynyń keńeiýine Qairat Boranbaevtyń ustalýynyń esh qatysy joq ekenin aitty, dep habarlaidy QazAqparat.
«Pfizer» ekpesin qazaqstandyqtardyń jappai saldyrýyna jol ashatyn sheshim shyqqan edi. Munyń Qairat Boranbaevtyń ustalýy áser etken joq pa», - dep surady BAQ ókilderi Úkimet otyrysynan keiin vitse-premer Eraly Toǵjanovtan.
«Onyń eshqandai qatysy joq. Ol azamattyń (kásipker Qairat Boranbaevtyń - red.) kompaniiasy "Spýtnikpen" bailanysty ǵoi. Sondyqtan «Pfizer»-ge eshqandai bailanysy joq. Búgin bizde «Pfizer»-diń 2 millionnan astam dozasy bar. Ony azamattardyń tolyqtai alýyna múmkindigi bar. Onymen qosa bizde Qytaidyń vaktsinasy da jetkilikti. Áli 2 millionǵa jýyq dozasy bar. Onymen qatar ózimizdiń vaktsina bar. Ai saiyn 500 myń doza shyǵyp jatyr. Sondyqtan qazir azamattarǵa úsh túrli vaktsina boiynsha tolyqtai múmkindik berip otyrmyz», - dedi Eraly Toǵjanov.
